[牛耕田, 馬食穀]

粵語〔廣東話〕文化，有非常悠久嘅歷史，係傳統嘅廣東三大文化之一。廣東大戲，對白同唱詞都包含咗唔少粵語口語嘅成分，粵謳、童謠、山歌，同埋木魚書等，都有好濃厚嘅嶺南文化色彩。網上有[廣東話資料館]，搜羅了有關廣東話的文化、意思、用法、讀法、寫法、歷史、演變及趣味，值得參考。

年青時常聽[牛耕田、馬食穀] 的童謠，但只是開始的幾句，原來全文如下：

牛耕田, 馬食穀, 老竇賺錢仔享福;

象行田, 馬行日, 過河卒仔無退縮;

兵殺敵, 將閃縮, 功成身退享俸祿;

男善變, 女易哭, 貧賤夫妻難和睦;

流水清, 死水濁, 人望高處無滿足;

冰易化, 錢難蓄, 巧婦難煲無米粥;

水維生, 土長木, 光合作用葉變綠;

賭易學, 書難讀, 賭仔何曾買大屋?

命注定, 運難卜, 三衰六旺好難捉;

仙灑脫, 凡人俗, 犯規和尚食狗肉;

陽壽盡, 落陰谷, 生老病死乃定局；

趁宜家，仲能郁， 快樂享受要知足；

咪再成日困在屋， 兒孫自有兒孫福。

這是一首絕妙粵諺, 是廣東話的至高境界，除了用辭押韻外，更帶出人世間的實況及做人的道理。 [生老病死乃定局]是真理不能逆轉；[三衰六旺好難捉]是人生的無常真理；[快樂享受要知足]是知足常樂的做人道理。

還記得有以下的童謠：

月光光，照地堂；年卅晚，摘檳榔；檳榔香，嚼子薑；子姜辣，買蒲達；蒲達苦，買豬肚；豬肚肥，買牛皮；牛皮薄，買菱角；菱角尖，買馬鞭；馬鞭長，起屋樑；屋樑高，買張刀；刀切菜，買籮蓋；籮蓋圓，買隻船；船浸底，浸親兩個番鬼仔；一個蒲頭，一個浸底；一個摸茨菇，一個摸馬蹄。

** ** ** ** ** ** ** ** ** **

排排坐，食粉果；豬拉柴，狗透火；貓兒擔凳姑婆坐；坐埋一齊唱支歌。

** ** ** ** ** ** ** ** ** **

"凼凼"轉，菊花園；炒米餅，糯米團；亞媽佢叫我去睇龍船；

我唔睇，要去睇雞仔；雞仔大，拎去賣；賣咗幾文錢；

我買隻風車仔，佢轉得好好睇，睇佢凼凼轉啊菊花園，

睇佢凼凼轉啊凼凼轉啊轉。

** ** ** ** ** ** ** ** ** **

河邊有隻羊，羊邊有隻象，象邊有隻馬騮仔，好似你噉樣。

** ** ** ** ** ** ** ** ** **

落大雨，水浸街，亞哥擔柴上街賣，亞嫂落地著花鞋，花鞋花襪花腰帶，珍珠蝴蝶兩邊排。

** ** ** ** ** ** ** ** ** **

拍大髀，唱山歌，人人話我冇老婆，的起心肝娶翻個，有錢娶個嬌嬌女，冇錢娶個豆皮婆，豆皮婆，食飯食得多，屙屎屙兩籮，屙尿沖大海，屙屁打銅鑼。