周啟生籌款演唱會

政府的[禁聚令] 使職業樂師皆手停口停，周啟生決定喺6月1日，即他59歲生日當天，舉行[愛港@你+我] 的網上音樂會為職業樂師籌款，但好多和樂師唇齒相依嘅歌手們對音樂會反應冷淡。周啓生言：[我日日好似收陀地咁狂打電話，聯絡生意朋友、fans、歌手、唱片公司老闆、演唱會搞手、電視台高層等。但好難堪同諷刺，因為同樂師關係密切嘅歌手反應好冷淡，唉，無言，只得盧巧音同黃貫中有回音，仲捐咗筆過萬嘅可觀金額！………………….樂手永遠同歌手伴奏，咁多年立下唔少汗馬功勞，喺呢班朋友最需要幫助嘅時候，共事嘅人竟然唔願出手！佢哋寧願參加Lady GaGa籌款show，幫美國同世衛籌款，『斗零』都冇擺喺香港度！好彩仲有啲好心人，包括黃百鳴、契爺胡楓、環球唱片董事總經理黃劍濤、環星娛樂老闆張國林、黃龍德會計師事務所出錢撐，而陳龍華做義務監製及拍攝。………呢個唔係叫音樂會，係救命行動，所有救命錢會全數派晒出去，我一毫子都唔會賺，甚至會貼錢出嚟，因為所有使費由我獨力承擔，希望籌到有25萬元，可以分到畀50個本地樂手，每人5000元應急，等佢哋撐住先，捱到政府派嗰一萬蚊。]

周啟生是顧家輝入室愛徒，縱橫樂壇46年，跟好多殿堂級歌星如已故張國榮、陳百強、鄧麗君，還有徐小鳳、許冠傑及林子祥等合作。初期他主要負責作曲和編曲，後來以創作歌手進軍樂壇，再轉為幕後便擔任演唱會的樂手及音樂總監。他解釋今次力撐音樂界，全因幾十年嚟自己算係個幸運兒，可以靠音樂賺到錢養家：[我唔算發達，只係過住啲開心同簡單生活，亦都唔敢同人比較邊個巴閉，愈巴閉愈忘恩負義，我唔想做嗰啲人，我覺得要回餽社會，推動音樂事業。]

 

捐款扶貧是按個人喜愛及能力而為之，絕不能施壓，否則有反效果，導至好心做壞事。 以往有不少存有居心的人以捐款為名，但卻以終飽私囊為實，故市民對沒監管的籌款活動多不支持。 今次受新冠肺炎影響的行業豈止音樂界，還有飲食業、旅遊業、娛樂事業、教練、婚嫁業……….等等，除了公共事業外，所有行業皆要克苦強捱艱難時刻，所謂幫得有幾多，而且自己也要備足夠資源抗疫，那有餘力幫助他人，要幫的也應是自己熟識的朋友拍檔。 許冠傑深知籌款濟貧的規則及生活的現實道理，故選擇不在其網上演唱會籌款，而卻以私人名義捐款予他熟識的音樂會拍檔。

不知道周啓生在樂壇的影響力有多大，但他以高姿態的方式籌款必引起他人懷疑其私慾，故皆不回應。但他更公開暗示張學友、陳奕迅等歌星的無情，是犯了公關的死忌，將來在音樂圈內難再受歡迎。